شماعة

الشاعرة نجوى الحاروني

وبتسألني أنا إيه غيرني
ليه قررت أمشي وأسيبك
مهما هقولك إيه عذبني
إنت خسرت قلب حبيبك
قلبي اللي في حبك حيرني
وبسببك أنا قلبي خسرني
صعبت اتنفس وإنت معايا
قربك مني بقى يإلمني
استحملت كتير وبسببك
عمري ما هبقى تاني نصيبك

أنا قررت وخدت قراري
صعب أكمل عمري معاك
إنت سبب كل دماري
لما في يوم اخترت هواك
هانت ياما دموعي عليك
وياما كنت أتمنى رضاك
بعت قلبي وكان شاريك
فزهدت الفرح والحزن معاك
ولما اخترت امشي وأسيبك
جاي تقول ليه مش حباك

مش حباك لأنك خاين
خنت وعودك كلها ليا
دايمًا قلبي عليك هاين
دايمًا ناسي دمع عنيا
دايمًا جارح فيا كرامتي
ولاعمرك حسيت بقيمتي
واما قلت كفاية عذاب
جيت بتحط الحق عليا

لأ أسفالك
انا مش هسكت تاني خلاص
مش نسيالك
لما جرحتني وسط الناس
وكنت تحط اللوم على قلبي
وكأن معنديش إحساس
مش هقبل أكون لك شماعة
راكن غدرك كله عليها
وظالمني وفي كل ساعة
كنت بتخسر حبي فيها
وعشان كده اخترت أسيبك
ده قرار صح من الأساس